Татарстан Россиянең социаль яктан тотрыклы төбәкләре арасына керде. Республика тугызынчы баскычта урнашты, дип яза «Известия» газетасы Гражданлык җәмгыятен үстерү фонды үткәргән тикшеренүгә сылтама белән.
Рейтингы төзегәндә төбәктәге уртача хезмәт хакы, яшәү минимумы, шулай ук төбәк продукты суммаларының (төбәкләр буенча төяп җибәрелгән товарлар, башкарылган эшләр һәм күрсәтелгән хезмәтләр суммасы) икътисади актив кешеләр санына нисбәте исәпкә алынган.
Соңгы елларда Татарстан, 16нчы урыннан күтәрелеп, үз позицияләрен яхшыртты.
Ямал-Ненец автономияле округы рейтингның беренче баскычында урнашты, Ненец һәм Чукот автономияле округлары икенче урынны бүлеште, Мәскәү өлкәсе өченче урынны алды.
Элегрәк Татарстан кече һәм урта эшкуарлыкны финанслау күләме буенча Россиянең 10 төбәге арасына кергән иде. Республикада гыйнвардан сентябрьгә кадәр бизнеска ярдәм йөзеннән 9,6 миллиард сум акча бүлеп бирелде.
Свежие комментарии