Мәскәү Татар мәдәнияте үзәгенең төрле иҗат коллективлары артистлары махсус операциядә катнашучы хәрбиләрнең ихтыяҗлары өчен маскировка челтәрләре үрүдә катнашты. Акцияне үткәрергә Рәфыйк Вәлитов тәкъдим итте, диелә Мәскәү шәһәре татар милли-мәдәни автономиясе төбәк иҗтимагый оешмасы хәбәрендә.
Маскировка челтәрләре үрүдә «Балкыш», «Нур», «Дуслар», «Хәзинә», «Мәдинә», «Мирас», «Ихлас» ансамбльләре, Наилә Дүсмәтова вокал студиясе әгъзалары, баянчылар студиясе җитәкчесе Рушан Локманов актив катнашты.
Барысы да, хезмәтләренең мөһимлеген аңлап, илһамланып эшләде. Рәфыйк Вәлитов сүзләренчә, артистлар үргән маскировка челтәрләрен якын арада хәрбиләргә тапшырачаклар.
Свежие комментарии