Аз карлы кыш һәм җылы һава торышы Россиядә аллергия сезоны иртә башлануга сәбәп булды. Балачак фәнни-тикшеренү клиник институты табиб-аллергологы Алена Бондаренко «Радио 1» белән әңгәмәдә язгы аллергиянең беренче симптомнары турында сөйләде.
Ул билгеләп үткәнчә, хәзерге вакытта Мәскәү өлкәсендә зирек (каен белән беррәттән бук чәчәклеләр гаиләсеннән булган агач) актив чәчәк ата.
Әлеге үсемлекләрнең серкәсенә аллергия күз кычыту, күз яше агу, томау төшү, борын тыгылу, еш төчкерү һәм кайвакыт йөткерү кебек билгеләр белән чагыла.Белгеч сүзләренчә, аллергия симптомнары ОРВИны хәтерләтә, әмма сезонлы аллергияләр вакытында вируслы инфекцияләргә хас булган күз һәм борын кычыту кебек билгеләр юк.
«Симптомнар тиз көчәергә мөмкин. Ул вакытта кеше ОРВИ белән авырыйм, дип уйлый. Ләкин сезонлы авырулар вакытында еш кына күз һәм борын кычытмый. Анализлар бирергә кирәк: борын куышлыгыннан һәм гомуми кан анализы», - дип өстәде табиб.
Свежие комментарии