Һадиуллин: Татарстан студентлары Һиндстанда практика үтә алачак

<p>Бүгенге көндә Татарстан югары уку йортларында Һиндстаннан меңгә якын студент белем ала. Шуларның 120се КФУда укый. Бу хакта ТР мәгариф һәм фән министры <strong>Илсур Һадиуллин</strong> Петербург халыкара икътисади форумы кысаларында белдерде.</p> <p>«Без алга таба Һиндстан белән хезмәттәшлекне дәвам итәчәкбез.

Бездә бик яхшы «Алгарыш» дигән республика программасы бар. Бу программа кысаларында безнең студентлар да Һиндстанда практика узачак», – дип сөйләде министр Петербург халыкара икътисади форумы кысаларында «Татмедиа» Республика матбугат һәм массакүләм коммуникацияләр агентлыгының Мәскәүдәге вәкиле <strong>Динә Газалиева</strong>га.</p> <p>Һадиуллин игътибар иткәнчә, Һиндстаннан килгән 996 студент арасыннан тагын 870 кеше хәзерге вакытта республиканың медицина югары уку йортында, 5 студент Иннополиста һәм бер кеше Казан авиация институтында укый.</p> <p>«Күргәнегезчә, әле генә безнең юнәлеш буенча Һиндстан илчесе белән очрашу булды. Әлбәттә, безнең страгетик-тактик максатлар һәм халыкара дәрәҗәгә чыгу максатыбыз бик җитди», – диде ул.</p> <p> </p>