Түбән Кама мэры Украинаның пилотсыз очкычы бәреп төшерелүе турында хәбәр итте

Түбән Кама мэры Радмир Беляев бүген иртән Түбән Кама өстендә пилотсыз очкычның юк ителүе турында хәбәр итте. Бу хакта ул үзенең телеграм-каналында белдерде.

«Бүген иртән Түбән Кама өстендә ПВО системасы БПЛАны юк итте. Барлык хезмәтләр дә оператив эшләде. Куркынычсызлык системасы эшләде. Зыян күрүчеләр һәм җимерелүләр юк.

Предприятиеләрнең технологик процессы бозылмады», - диде Беляев.

Шәһәр башлыгы Түбән Кама халкын тынычлык сакларга, паникага бирешмәскә һәм рәсми чыганаклар мәгълүматына ышанырга сорады.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/