Һәр елны Яңа ел каникулларында Азнакайда креатив чаналар бәйгесе үтә. Анда авыл җирлекләре һәм хезмәт коллективлары иҗат җимешләрен тәкъдим итеп, олысы-кечесенә илһам бәйрәме бүләк итә.
«Маяк» газетасы хәбәр иткәнчә, быел креатив чаналар фестивале 6 гыйнварда 10:00 сәгатьтә Р. Ишкәев исемендәге паркта узачак.
Редакция Әгерҗе авыл җирлегендә бу кызыклы вакыйгага әзерлек ничек баруын белешкән.
«Мәдәният хезмәткәрләре исеменнән авыл башлыгы Назыйф Нилович Хәсәновка һәм безнең осталарыбыз Ильнур Мирзаһитов белән Ринат Сәетгалеевичка зур рәхмәтләребезне җиткерәбез. Без командабызның исемен әлегә сер итеп тотабыз, әмма җиңү безнең кулда булачагына ышанабыз!» — диде Гөлгенә Ибраһимова.
Свежие комментарии