Бу атнада Татарстанда «Гаилә тарихында гасырлар кайтавазы - Тарихта без эзлебез» республика шәҗәрәләр фестиваленең зона этаплары тәмамланды. Бүген Казанның «Сәйдәш» мәдәни үзәгендә финал чарасы узды. Бу хакта «Татар-информ»га ТР Архив эше буенча дәүләт комитеты матбугат хезмәтендә хәбәр иттеләр.
«Фестиваль өч этапта – муниципаль, зона һәм республика этапларында уза.
Быел муниципаль этапка гаризаларның рекордлы саны кабул ителде – 299. Чагыштыру өчен: узган елда 186 гариза иде. Зона этабында муниципаль этапта җиңгән 41 гаилә катнашты», - дип хәбәр иттеләр матбугат хезмәтендә.Зона фестивальләре Казанда, Сарман, Әгерҗе, Чистай, Мамадыш һәм Кайбыч районнарында узды. Аларның һәрберсендә финалистлар билгеләнде. Әлеге финалистлар республика этабында катнашачак. Финалда сәхнәгә барлыгы 6 гаилә чыгачак. Чараны уздыру урыны һәм вакыты әлегә билгеле түгел, диделәр матбугат хезмәтендә.
«Гаилә тарихында гасырлар кайтавазы - Тарихта без эзлебез» фестивале нәсел традицияләрен саклауга һәм үстерүгә, гаилә җепләрен һәм буыннар дәвамчанлыгын ныгытуга, Татарстанның һәм үз гаиләңнең тарихына киң җәмәгатьчелекнең игътибарын җәлеп итүгә юнәлдерелгән.
Свежие комментарии