Алабугада БПЛА һөҗүме вакытында районның автомат рәвештә ашыгыч кисәтү тарату өчен җайлаштырылган 816 домофон системасы эшләгән.
Шулай ук кешеләр тиз арада эвакуацияләнә алсын өчен торак йортларның подъезд ишекләре дистанцион рәвештә ачылган.
Алабуга халкы социаль челтәрләрдә хәбәр иткәнчә, тавышлы хәбәр тарату төгәл һәм тоткарлыкларсыз башкарылган.
Мәктәпләрнең педагогик составы, администрациясе һәм хокук саклау органнары яклау чаралары комплексын гамәлгә ашырган.
«Татар-информ» бүген һава һөҗүменә каршы оборона чаралары Алабуга районы территориясендә БПЛА бәреп төшерде, дип хәбәр итте. Һәлак булучылар һәм зыян күрүчеләр юк.
Украина Кораллы көчләре Алабугага Аэропракт А-22 яки «летучая лисица» һәм UJ-22 Airborne дроннары белән һөҗүм итте. Самолетны пилотсыз очкыч итеп модернизацияләгәннәр һәм аңа шартлаткыч төягәннәр. Шартлаткыч җайланманың минималь авырлыгы – 80 килограмм. Беренче дронның очу ераклыгы 1100 километр чамасы, икенчесенеке – 800 километрга кадәр.
Свежие комментарии