Россия гаскәрләре бер тәүлек эчендә Украинаның хәрби-сәнәгать комплексы предприятиеләре эшен тәэмин итүче энергетика объектларын, хәрби аэродромнар инфраструктурасын, шулай ук пилотсыз очучы аппаратлар җитештерү цехларын тар-мар итте, дип хәбәр итте РФ Саклану министрлыгы. Бу хакта РИА Новости яза.
«Россия оператив-тактик авиациясе, пилотсыз очучы аппаратлары, Кораллы көчләре ракета гаскәрләре һәм гаскәрләр төркемнәре артиллериясе 36Д6 түбән биеклектәге максатларны ачыклау һәм озата бару радиолокация станциясен юк итте, шулай ук 141-нче районда Украина хәрби-сәнәгать комплексы предприятиеләре эшен тәэмин итүче энергетика объектларын, дошманның хәрби аэродромнар инфраструктурасын, пилотсыз очучы аппаратлар җитештерү цехларын, тере көч һәм хәрби техникасын тар-мар итте», - диелә хәбәрдә.
Махсус хәрби операция башланганнан бирле барлыгы 646 самолет, 283 вертолет, 32089 пилотсыз очучы аппарат, 579 зенит ракета комплексы, 18325 танк һәм башка бронялы хәрби машина, 1457 реактив ут системасы хәрби машинасы, 15025 кыр артиллериясе һәм миномет коралы, 26370 махсус хәрби автомобиль техникасы юк ителгән.
Свежие комментарии