Һава һөҗүменә каршы оборона отряды көчләре төн эчендә Россия төбәкләре өстеннән 337 Украина пилотсыз очкычын бәреп төшергән. Бу хакта Россия Саклану министрлыгы хәбәр итә. Һөҗүм 2025 елда иң массакүләм булды.
Узган төндә иң күп дрон Курск өлкәсе өстендә бәреп төшерелгән — 126. Тагын 91 БПЛА Мәскәү өлкәсе территориясендә, Брянск өлкәсе территориясендә 38, Белгород өлкәсе территориясендә 25, Рязань өлкәсе территориясендә 22, Калуга өлкәсе территориясендә 10, Липецк өлкәсе территориясендә 8, Орлов өлкәсе территориясендә 8, Воронеж өлкәсе территориясендә 6 һәм Түбән Новгород өлкәсе территориясендә 3 пилотсыз очкыч бәреп төшерелгән.
Домодедоводагы предприятие хезмәткәрләре өчен парковкага БПЛА җимерекләре төшеп, «Мираторга» каравылчысы һәлак була. Тагын биш кеше җәрәхәтләр алган, дип хәбәр итә РИА Новости. Мәскәү өлкәсендә Раменскоеда йорт өстенә БПЛА җимерекләре төшү сәбәпле, ким дигәндә 7 фатир зыян күргән.
Мәскәүнең Внуково, Домодедово, Шереметьево һәм Жуковский аэропортларында самолетларны кабул итү һәм рейска җибәрүгә вакытлыча чикләүләр кертелгән.
«Татар-информ» хәбәр иткәнчә, бүген 6.30 сәгатьтә Татарстан территориясендә «пилотсыз очкыч куркынычы» режимы игълан ителде.
Свежие комментарии