Чаллыда яшәп иҗат иткән композитор, Татарстанның атказанган мәдәният хезмәткәре Ринат Гобәйдуллинның туган ягында бүген аңа мемориаль такта ачылды. Бу хакта «Шәһри Чаллы» газетасы яза.
Истәлекле вакыйга уңаеннан Ютазы районы Иске Урыссу авылына Чаллыдан бер төркем мәдәният хезмәткәрләре барды.
«Ринат абыйны туган ягында бик зурлыйлар.
Чарага авыл халкы, мәктәп укучылары җыелды. Бүген кич клубта зур концерт та уза. Анда без – танылган композиторның шәкертләре дә чыгыш ясыйбыз, аның җырларын башкарабыз», – дип сөйләде Татарстанның атказанган артисты Равил Галиев.
Свежие комментарии