Яңа төбәкләрдә биш сайлау участогы ачып, муниципаль, төбәк депутатларын һәм Татарстан Рәисен сайлауда тавыш бирү мөмкинлеге тудырылу алгы сызыктагы хәрбиләр өчен бик мөһим. Россия Герое, ТР Дәүләт Советы депутаты Рәсим Баксиков «Волга» экспертлар клубы утырышында шундый фикере белән уртаклашты, дип яза «Татар-информ» хәбәрчесе Арсений Кәримов.
«Хәрбиләргә өйдә ниләр булуы кызык, алар моның өчен җаваплылык тоя. Аларга да тавыш бирү мөмкинлеге тудырылуына куаналар. Алар хәрби командировкада һәм Татарстанга кайта алмыйлар. Бу – ярдәмнең бер элементы, хәрбиләрне беркем дә онытмый. Алар тавыш бирергә дә, һәм шул рәвешле киеренкелектән ял итәргә дә өлгерде», - диде Баксиков.
Ул бүген илебездә Танкистлар көне дә билгеләп үтелүен искәртте, шуңа бәйле рәвештә әлеге бәйрәмгә катнашы булган һәркемне тәбрик итте.
Бүген, 14 сентябрьдә, Татарстанда Бердәм тавыш бирү көне уза. Республика халкы Татарстан Рәисен сайлый. Шулай ук 18нче Мәләкәс округы буенча Дәүләт Советы депутаты һәм 7,5 меңнән артык муниципаль депутат сайлана.
Татарстан Рәисен сайлауда дүрт кандидат катнаша (алфавит тәртибендә): Рөстәм Миңнеханов («Бердәм Россия»), Хафиз Миргалимов (КПРФ), Виталий Смирнов («Социаль гаделлек өчен Россия пенсионерлар партиясе») һәм Руслан Йосыпов (ЛДПР).
Муниципаль сайлауларда катнашучыларның рекордлы саны теркәлгән – 11,4 меңнән артык кандидат. Алар арасында төп партияләр вәкилләре һәм үз-үзен тәкъдим итүче буларак катнашучы 2,6 меңнән артык кеше бар.
Татарстанда тавыш бирү өчен 2752 участок ачылды. Участоклар 7:00 сәгатьтән 20:00 сәгатькә кадәр эшләячәк.
«ТНВ-Татарстан» һәм «ТНВ-Планета» телеканалларында 14 сәгатьлек «Мин яратам сине, Татарстан!» телемарафоны уза. Ул 22:00 сәгатькә тәмамланачак.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии