Татарстан башкаласында мигрантларны аэропортта биометрия буенча тикшерә башлаячаклар. Эксперт-криминалистика үзәге башлыгы Әнәс Мөхәммәтҗанов ТР буенча Эчке эшләр министрлыгында узган матбугат конференциясендә шул хакта сөйләде.
«Моның өчен безгә хезмәткәрләр җәлеп итәргә һәм җиһазлар сатып алырга кирәк.
Мәскәү әлеге уңайдан яхшы үрнәк булды, анда аэропортта үткәрелә торган мондый экспертиза закон бозган һәм эзләүдә булган чит ил гражданнарын ачыкларга ярдәм итә. Барысы да мигрантлар агымына бәйле, әмма теориядә без экспертизадан соң бер тәүлек эчендә гражданинны миграция исәбенә куярга тиеш», - диде Әнәс Мөхәммәтҗанов.
Свежие комментарии