Краснодарда 19-22 яшьлек яшүсмерләр арасында бокс буенча Россия беренчелеге тәмамланды. Җиңү өчен 25 авырлык категориясендә 450 дән артык спортчы көрәште. Турнир нәтиҗәләре буенча Татарстан боксчысы Айдар Фәсахов (Түбән Кама) Россия җыелма командасы составына кереп, 3 нче урынны алды.
«2018 елдан башлап Татарстан боксчылары Россия беренчелегендә, Россия чемпионатында финалист, призер, җиңүче була.
Бу безнең спортчыларның тотрыклы, планлы әзерләнүе һәм Татарстанның Россия боксында лидерлар рәтенә керә башлавы турында сөйли. Хәзерге вакытта Татарстанның 11 спортчысы Россия җыелма командасының төп һәм резерв составына керә. Татарстан боксы тарихында мондый нәтиҗәнең булганы юк», - дип уртаклашты «Татар-информ» журналисты белән Россия Бокс федерациясе генераль секретаре урынбасары, Татарстан Бокс федерациясе рәисе Сергей Игнатьев.Спорт ярышларын уздыру «Физик культура һәм спортны үстерү» федераль проекты максатларына туры килә.
Свежие комментарии