<p>7 көн нәтиҗәләре буенча Россия спортчылары 156 алтын, 93 көмеш һәм 63 бронза медаль яулады. Гомумән алганда, җыелма команданың 312 медале булды. Ярышларның рәсми сайтында аның беренче урында булуы аңлашыла.</p> <p>Кичә байдаркада һәм каноэда ишү, йөзү, спорт көрәше, теннис, фехтование һәм шахмат ярышларында барлыгы 35 комплект медаль уйнатылды.
</p> <p>Казан теннис академиясендә теннис буенча команда ярышлары тәмамланды. Хатын-кызлар һәм ир-атлар җыелмалары арасында россиялеләр иң яхшылары булды. Ике финалда да безнең спортчыларга Беларусь теннисчылары белән җиңү өчен көрәшергә туры килде. Нәтиҗәдә<strong> Илья Симакин</strong> һәм <strong>Данил Панарин Эрик Арутюнян</strong>ны һәм <strong>Даниил Остапенков</strong>ны җиңде, ә<strong> Полина Кудерметова </strong>һәм <strong>Елена Приданкина Эвелина Ласкевич</strong> һәм <strong>Дарья Хомутянскаяга</strong> каршы матчларда җиңеп, алтын алды. Сүз уңаеннан, Симакин һәм Кудерметова Татарстан вәкилләре.</p> <p>Татарстан Спорт министрлыгы мәгълүматлары буенча, республика вәкилләре Уенннарда 20 алтын, 9 көмеш һәм 5 бронза медаль яулады.</p>
Свежие комментарии