Россия Украинаның гражданлык объектларына һөҗүм итми һәм шуңа күрә ул Киевтагы балалар хастаханәсенә һөҗүмдә гаепләүләрне кире кага. Бу хакта Кремльнең рәсми вәкиле Дмитрий Песков әйтте.
«Без элеккечә үз дигәнебездә торабыз: без гражданлык объектларына һөҗүм итмибез. Һөҗүмнәр критик инфраструктура объектларына, режимның хәрби потенциалына нинди дә булса мөнәсәбәте булган хәрби объектларга ясала», – дип китерә аның сүзләрен ТАСС.
Песков имеш-мимешләргә ышанмаска, ә Саклану министрлыгының рәсми хәбәрләренә таянырга өндәде. Анда ведомство Украинада нинди дә булса гражданлык объектларына һөҗүм ясауны бөтенләй кире кага. Хастаханәгә исә, Украинаның ПВО ракетасы төшү аркасында зыян килгән – мондый очраклар беренче тапкыр гына түгел, һәм һәрвакыт «НАТОдагы яклаучыларының чираттагы җыены (саммит) алдыннан» барлыкка килә, диделәр ведомствода.
Свежие комментарии