Якынлашып килүче 2025 елда РФ Дәүләт Думасы мәктәпләрдә уку йөкләнешен киметүне өстенлекле мәсьәлә итәргә һәм ил Хөкүмәте белән бергә тиешле карарлар әзерләргә ниятли. Дәүләт Думасы Рәисе Вячеслав Володин Telegram-каналында шулай дип белдерде.
«Хөкүмәттә мәктәпләрдә уку йөкләнешен яңадан карау ихтыяҗын аңлыйлар», - дип белдерде парламентның түбән палатасы спикеры.
«Баланың белем алу процессында сәламәт булуы мөһим», - дип искәртте ул шуңа бәйле рәвештә.Сәясәтче билгеләп үткәнчә, мәктәп укучыларына гадәттән тыш зур йөкләнеш мәсьәләсе хакында аның Telegram-каналында элегрәк фикер алышканнар инде. Әлеге уңайдан 10 меңнән артык аңлатма калдырганнар, өстәвенә кулланучыларның яртысыннан артыгы проблеманың булуын раслаган.
Володин катлаулы өй эшләрен һәм аларның күләмен, артык зур расписаниене һәм өйрәтелә торган фәннәрнең күплеген, шулай ук дәрестән тыш эшчәнлекне, алты көнлек уку атнасын һәм икенче сменада укуны төп сәбәпләр рәтендә атады.
Свежие комментарии