Махсус операция зонасында Беренче каналның хәрби хәбәрчесе Анна Прокофьева һәлак булган

Белгород өлкәсендә һөнәри бурычын үтәгән вакытта Беренче каналның хәрби хәбәрчесе Анна Прокофьева һәлак булган.

ТАСС агентлыгы хәбәр иткәнчә, шулай ук оператор да яраланган.

Прокофьева 2020 елның сентябреннән 2022 елның ноябренә кадәр Sputnik агентлыгының испан редакциясендә эшләгән, гуманитар ярдәм җыю өчен Telegram-каналында үз блогын алып барган.

РИА Новости агентлыгы хәбәр иткәнчә, Sputnik агентлыгыннан киткәннән соң ул әлеге гуманитар ярдәмне махсус операция зонасына алып барган, ә соңрак Беренче канал белән эшли башлаган.