Татарстанда кыска вакытлы яңгырлар һәм +23 градуска кадәр җылылык көтелә

Бүген, 18 июньдә, Татарстанда дымлы һәм артык җылы булмаган һава торышы сакланачак. Бу хакта ТР Гидрометеорология үзәге хәбәр итә.

Урыны белән ( Казанда түгел) кыска вакытлы яңгырлар һәм яшенле яңгырлар ява. Иртән кайбер урыннарда төнлә төшкән томан сакланыр. Көндез локаль боз явуы ихтимал.

Төньяк һәм төньяк-көнчыгыш җилләренең тизлеге секундына 4-9 метр, урыны белән 12 метрга кадәр, ә яшенле яңгыр вакытында аның тизлеге секундына 15-18 метрга кадәр көчәячәк.

Салкынча төннән соң көндез төбәктә һава +18...+23 градуска кадәр, Казанда +20...+22 градуска кадәр җылыначак.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/