Мишустин: 2025 елда хезмәт өчен түләүнең минималь күләме 15 процентка артачак

<p>2025 елда хезмәт өчен түләүнең минималь күләме (МРОТ) 15 процентка индексацияләнә. Бу хакта Россия Хөкүмәте җитәкчесе <strong>Михаил Мишустин </strong>белдерде, дип яза «Татар-информ».</p> <p>Шунысын да билгеләп үтәргә кирәк, хәзер хезмәт өчен түләүнең минималь күләме 19242 сум дәрәҗәсендә теркәлгән.

Димәк, киләсе елда аны якынча 22128 сумга кадәр күтәрергә кирәк була.</p> <p>Искәртик, киләсе елдан хезмәт өчен түләүнең минималь күләмен хезмәт базарында медиана хезмәт хакыннан санаячаклар.</p> <p>Мишустин әйткәнчә, алга таба хезмәт өчен түләүнең минималь күләмен арттыру - иң мөһим бурычларның берсе.</p> <p>«Киләсе елдан ул медиана эш хакы белән бәйле була, аны икътисад өлкәсендә эшләүчеләрнең күбесе ала, һәм бу күрсәткечнең яртысын диярлек тәшкил итәчәк», - диде сәясәтче.</p> <p>Моннан тыш, 2023 елда Россиядә хезмәт өчен түләүнең минималь күләме аена 35 мең сумнан да ким булмаячак.</p> <p>Россия Президенты <strong>Владимир Путин</strong> хезмәт өчен түләүнең минималь күләмен ике тапкыр арттырырга кушты. Апрельдә ул профсоюзлар съездындагы чыгышында Росссиядә хезмәт өчен түләүнең минималь күләме 35 мең сум булырга тиешлеген әйткән иде.</p>