На информационном ресурсе применяются рекомендательные технологии (информационные технологии предоставления информации на основе сбора, систематизации и анализа сведений, относящихся к предпочтениям пользователей сети "Интернет", находящихся на территории Российской Федерации)

Свежие комментарии

  • Владимир Крашенинников
    Прошу публиковать в моей ленте материалы только на русском языке.Миңнеханов Патруш...
  • РА М
    Председатель Госсовета Татарстана Фарид Мухаметшин поздравил в своем Telegram-канале Государственного советника РТ, п...Фәрит Мөхәммәтшин...
  • valeri bolgov
    Может я что-то пропустил, но когда татарский язык стал в России основным?Майкоп шәһәрендә ...

Сораштыру: Россия кешеләре ел сәясәтчесе буларак Путинны атады

Россия халкының 50 проценты 2024 ел сәясәтчесе буларак РФ Президенты Владимир Путинны атады. Бу Бөтенроссия җәмәгатьчелек фикерен өйрәнү үзәге (ВЦИОМ) 21 декабрьдә 1600 россияле арасында үткәргән сораштыру нәтиҗәләреннән билгеле булды.

«Россия Президенты 2006 елда исәпләүләр үткәрелә башлаганнан бирле әлеге рейтингта тотрыклы рәвештә беренче урынны яулый – декабрьдә үткәрелгән сораштыруда россиялеләрнең уртача яртысы аны искә алды», - дип билгеләп үттеләр Бөтенроссия җәмәгатьчелек фикерен өйрәнү үзәгендә.

Икенче урынны Россия Премьер-министры Михаил Мишустин (18 процент), ә өченче урынны РФ тышкы эшләр министры Сергей Лавров (14 процент) яулаган. «Путин, Мишустин һәм Лавровтан торган өчлек 2021 елдан бирле пьедесталны башка сәясәтчеләргә бирми», — диде социологлар.

Рейтингка шулай ук РФ саклану министры итеп билгеләнгән Андрей Белоусов беренче тапкыр кергән. Аны респондентларның 7 проценты ел сәясәтчесе дип саный. Икешәр процент катнашучы Дәүләт Думасы Рәисе Вячеслав Володин һәм РФ Иминлек советы рәисе урынбасары Дмитрий Медведев, шулай ук дипломат, Россиянең Берләшкән Милләтләр Оешмасындагы даими вәкиле Василий Небензя кебек сәясәтчеләрне атады.

Рейтингка кергән башка сәясәтчеләрне исә респондентларның берешәр проценты гына телгә алган. Алар арасында өч хатын-кыз – Федерация Советы Рәисе Валентина Матвиенко, Россия Банкы башлыгы Эльвира Нәбиуллина һәм Тышкы эшләр министрлыгы рәсми вәкиле Мария Захарова. Ел сәясәтчеләре арасында ЛДПРның мәрхүм лидеры Владимир Жириновский да искә алынган.

Россиялеләр ел сәясәтчесе буларак барлыгы 21 кешене атаган. Сораштырылучыларның 30 проценты сорауга җавап бирергә авырсынган, ә 6 проценты андый сәясәтче гомумән юк, дип белдергән.

«Россиялеләрнең өчтән ике өлеше (64 процент) эчтәлекле җавап бирде, моны шактый югары күрсәткеч дип санарга була , димәк Россиядә сәясәтнең үз йөзе (дөресрәге, йөзләре) бар» - дип билгеләп үтте тикшеренүчеләр.

 

Ссылка на первоисточник

Картина дня

наверх