Дача сезоны тәмамланыр алдыннан шәһәр яны участоклары хуҗаларына корылмалар һәм җиһазларны кышка әзерләү мөһим. Дәүләт Думасы депутаты һәм Мәскәү өлкәсе бакчачылары берлеге рәисе Никита Чаплин RT телеканалына биргән интервьюсында шул хакта сөйләде.
Эксперт билгеләп үткәнчә, эшне алдан ук, кырау төшкәнче һәм коры көнне башларга: барлык коммуникацияләрне өзәргә һәм азык-төлекне өйгә алып кайтырга кирәк.
Мебельне ябык бүлмәгә күчерергә яки ышанычлы итеп ябарга, шул ук вакытта, агач мебельне саклагыч составлар белән капларга, ә металл конструкцияләрне тутыктан чистартырга һәм буярга киңәш ителә.Ул җәйге душка аерым игътибар бирергә, бак һәм торбалардагы суны агызырга, форсункаларны чистартырга, ә ишекләрне һәм капкачларны күгәрүдән һәм конструкцияләргә зыян килүдән саклау өчен бераз ачып калдырырга киңәш итте.
Эксперт сүзләренчә, көзен сарыф ителгән вакыт язын зур чыгымнарны булдырмаска ярдәм итәчәк.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии