Телевидение алып баручысы Максим Шәрәфетдинов яраланган хәрбигә гитара бүләк итте

Татарстан делегациясе составында «Беренче канал» алып баручысы Максим Шәрәфетдинов С.М.Киров исемендәге Хәрби-медицина академиясендә булды.

«Сезнең турыда телевизордан сөйләү бер нәрсә, һәм сезне менә шулай якын күрү бөтенләй икенче. Бу мизгелдә һәркемнең янына килеп кул кысасы, гаять зур сәламәтлек телисе килә, сезне тизрәк аякка бастырсыннар.

Һәм тыныч тормышта да сез лаеклы урын тапсагыз иде. Рәхмәт сезгә, намус һәм дан!» - диде махсус хәрби операциядә катнашучыларга Шәрәфетдинов.

Бер палатада алып баручы яраланган хәрбиләр өчен гитарада уйнап җыр башкарды, ә аннары аны инструментта уйнарга өйрәнергә хыялланган Сергейга бүләк итте.