<p>Татарстанда рәсми туристлар агымы 2023 ел нәтиҗәләре буенча 4,2 млн кеше тәшкил итте. Бу хакта ТР Туризм буенча дәүләт комитеты матбугат хезмәте Росстатның ачыкланган мәгълүматларына сылтама белән хәбәр итә.</p> <p>2022 ел белән чагыштырганда, республикага килүче туристлар саны 7,6 процентка артты.
Бу күрсәткеч буенча Татарстан Россия Федерациясе төбәкләре арасында алтынчы урынны алды.</p> <p>Татарстанны узып киткән лидер төбәкләр бишлегенә Мәскәү (20,1 млн турист), Краснодар крае (18,1 млн), Мәскәү өлкәсе (16,6 млн), Санкт-Петербург (11,7 млн) һәм Ленинград өлкәсе (8,7 млн) кергән.</p> <p>Шул ук вакытта туристлар саны буенча Татарстаннан Ростов өлкәсе (3,4 млн кеше), Тверь һәм Свердловск өлкәләре, Кырым Республикасы (3,2 млн) арттка калган.</p> <p>ТР Туризм буенча дәүләт комитеты рәисе <strong>Сергей Иванов </strong>10 ел эчендә Татарстанга туристлар агымы елына 4 млн кешегә кадәр арткан дип сөйләде.</p> <p>Россия Президенты <strong>Владимир Путин</strong> башта төбәкләрдә эчке туризмны үстерүнең аеруча мөһим булуын билгеләп үтте. «Шунысы мөһим, Россиянең туристлык өлкәсен озак вакытлы, ышанычлы, нәтиҗәле үстерү өчен барысы да бар», - дип ышана ул.</p>
Свежие комментарии