Татарстан Рәисе Рөстәм Миңнеханов Telegram-каналында махсус хәрби операциядә катнашучыларга шефлык ярдәменең чираттагы партиясен тапшыру хакында сөйләде.
Республика җитәкчесе шул хакта видео урнаштырган. Анда, аерым алганда, «Нива» һәм «УАЗ» автомобильләре, алга таба әлеге машиналарны тапшыру мизгелләре сурәтләнгән.
«Гуманитар ярдәмнең яңа партиясе хәрби частьләргә барып җитте. Махсус хәрби операциядә катнашучылар һәм аларның гаиләләренә ярдәм күрсәтү – безнең эшебездә мөһим юнәлеш», - дип искәртте Миңнеханов.
«Предприятиеләргә, оешмаларга, битараф булмаган гражданнарга – алгы сызыктагы солдатларга ярдәм итүчеләрнең барысына да рәхмәт», - дип өстәде ул.
«Егетләребез, горурланабыз! Җиңү белән көтәбез сезне! Ярдәмебез дәвамлы булыр», - дип сүзен төгәлләде Татарстан Рәисе.
Свежие комментарии