На информационном ресурсе применяются рекомендательные технологии (информационные технологии предоставления информации на основе сбора, систематизации и анализа сведений, относящихся к предпочтениям пользователей сети "Интернет", находящихся на территории Российской Федерации)

Свежие комментарии

Пилотсыз очкычларның массакүләм һөҗүме белән бәйле теракт турында эш кузгатылды

Мәскәү төбәгендә пилотсыз оча торган аппарат (БПЛА) һөҗүме белән бәйле рәвештә теракт турында җинаять эше кузгатылган. Бу хакта Россия Тикшерү комитетының рәсми вәкиле Светлана Петренко хәбәр итте.

«Мәскәү төбәгенә пилотсыз очкыч аппаратлары белән массакүләм һөҗүмнәр факты буенча Тикшерү комитетының төп Тикшерү идарәсе тарафыннан «Террорчылык акты» маддәсендә каралган җинаять билгеләре буенча эш кузгатылган», – диде ул.

Белгечләр БПЛА һәм шартлаткыч җайланмалар типларын, шулай ук китерелгән зыянның күләмен билгеләячәк, дип билгеләп үтелә.

Элегрәк «Татар-информ» хәбәр иткәнчә, Һава һөҗүменә каршы оборона көчләре бер төн эчендә 337 Украина пилотсыз очкычын Россия төбәкләре өстеннән бәреп төшергән. Һөҗүм 2025 елда иң массакүләм булды.

Ссылка на первоисточник
наверх