Бүген Татарстан Рәисе Рөстәм Миңнеханов «Кызыл мәйдан» мотоклубы директоры Сергей Писаренко белән алдагы хезмәттәшлек мәсьәләләре турында фикер алышты. Бу хакта республика җитәкчесенең матбугат хезмәте хәбәр итә.
ТР Хөкүмәте йортында Рөстәм Миңнехановның эш бүлмәсендә узган әңгәмә барышында яклар уртак яңа чаралар оештыру мәсьәләсен кузгатты.
Очрашуда ТР вице-премьеры Ләйлә Фазлыева да катнашты, дип ачыклык керттеләр матбугат хезмәтендә.
«Кызыл мәйдан» мотоклубы Казанда элеккеге елларда үткәрелгән мотоузышларда, Татарстан Хөкүмәте һәм ТР башкаласы мэриясе белән берлектә оештырылган «Ике Кремль» халыкара мотофестивалендә, шулай ук башка чараларда катнашкан иде.
Свежие комментарии