Россия Генераль прокуратурасы хәбәр иткәнчә, узган ел судлар РФ Саклану министрлыгының конфискацияләнгән 600дән артык автомобилен тапшырган. Машиналарны, махсус хәрби операцияне тәэмин итүне дә кертеп, Россия Кораллы Көчләре ихтыяҗлары өчен җибәргәннәр.
Коррупционерлар һәм исерек хәлдә кабат рульгә утырган өчен хөкем ителгән затларның автомобильләре конфискацияләнгән.
Генераль прокуратурада әйтүләренчә, кабул ителгән чаралар нәтиҗәсендә коррупционерларның мөлкәтен конфискацияләү өчтән бер өлешкә арткан. Шулай ук исерек йөртүчеләрнең машиналарын конфискацияләү турындагы карарлар саны да ике тапкырга күбәйгән.ТАСС агентлыгы хәбәр иткәнчә, РФ Хөкүмәтенең 2023 елның 8 сентябрендәге карары нигезендә, мондый милек армия һәм башка хәрби берләшмәләрнең ихтыяҗларын тәэмин итү өчен Саклану министрлыгына тапшырыла.
Свежие комментарии