Татарстанда яңа вегетация чоры иртәрәк башлана, ә соңрак тәмамланачак. Аның дәвамлылыгы Татарстанда һәм Россиядә ел саен арта бара. Бу хакта «Татар-информ»га Татарстан Гидрометеорология үзәге җитәкчесе Феликс Гоголь хәбәр итте.
«Бу климат системасындагы үзгәрешләргә бәйле, температура бөтен дөньяда арта.
Кышкы чорның озынлыгы кими, ә үсемлекләрнең актив үсеше барган җылы чор ел саен озыная бара», - дип аңлатты Гоголь.Әмма температураның ел саен артуы авыл хуҗалыгы культураларына тискәре йогынты ясый, чөнки туфрактагы һәм атмосферадагы корылык, коры җилләр ешрак була бара. Моннан тыш, җәй көне Татарстанда куркыныч метеорологик күренешләр – давыллар, өермә, боз, яшен һәм башкалар булырга мөмкин.
Свежие комментарии