<p>Азнакай политехника техникумында чыгарылыш кичәсе узды. Быел техникумны 95 студент тәмамлаган. Алар арасында автомобильләр ремонтлау һәм хезмәт күрсәтү мастерлары, авыл хуҗалыгында техник-механиклар, эретеп ябыштыручылар, пешекчеләр, штукатур-буяучылар һ.б. бар. Бу хакта «Азнакай» сайтында <strong>Нәсимә Фазлыева</strong> яза.
</p> <p>Техникум иртәдән үк бәйрәм төсен алды. Бәйрәмчә киенгән чыгарылыш студентлары, педагоглар, әти-әниләр һәм әлбәттә җитәкчеләр тантанага җыелды. Район Советы аппараты җитәкчесе <strong>Айдар Хәлиуллин</strong> тантаны ачып, район башлыгы <strong>Марсель Шәйдуллин</strong> һәм шәхсән үзе исеменнән чыгарылыш студентларын, укытучылар, әти-әниләрне бәйрәмнәре белән котлап изге теләкләрен җиткерде.</p> <p>Биредә алынган һөнәрләрнең бүгенге көндә бик кирәкле булуын, аларны районыбыз оешма-предприятиеләрендә эшкә көтеп алуларын әйтте. Аның теләкләренә техникум җитәкчесе <strong>Роберт Хөснетдинов </strong>та кушылды һәм укытучылар, әти-әниләр, һәрдаим ярдәм күрсәтеп торган район җитәкчеләренә, студентлар практика узган оешма-предприятие җитәкчеләренә олы рәхмәтен җиткерде.</p> <p>Тантанада студентларның үз көче белән әзерләнгән концерт номерлары тәкъдим ителде.</p> <p> </p>
Свежие комментарии