<p>Бүген Чаллы Сабан туенда күпсанлы мастер-класслар, бала-чага өчен милли колоритлы чаралар оештырылган иде. 2нче номерлы Чаллы музыка мәктәбенең укытучысы <strong>Чулпан Бикташева</strong> әйтүенчә, балалар йолалар, милли музыкаль инструментлар белән кызыксына.</p> <p>«Балалар Сабантуй белән кызыксына, гореф-гадәтләрне өйрәнә.
Бу күренешкә, әлбәттә, сөенәбез», — дип сөйләде Чулпан Бикташева «Татар-информ» хәбәрчесенә.</p> <p>Балалар квест буенча төрле милләт вәкилләре хакында белемнәрен ныгыттылар, аппликация дә ясый алдылар.</p> <p>«Россия Президенты <strong>Владимир Путин</strong> фондының мәдәни инициативаларга ярдәме белән гамәлгә ашырылган проектыбызны тәкъдим итәбез. Әлеге проектта 1-2 сыйныф балалары катнаша. Без аларга квест тәкъдим итәбез. Милли мәдәниятләр, музыкаль инструментлар балаларда зур кызыксыну уята», — ди 2нче номерлы Чаллы музыка мәктәбенең укытучысы <strong>Раиса Газиева.</strong></p> <p>Квест вакытында балалар милли музыкаль инструментларда да уйнап карый алды.<strong> </strong><strong></strong></p>
Свежие комментарии