14 мартта Казанда «Дөньяда кар барсын өйрәнү һәм саклау. Көчләрне берләштерү» халыкара конференциядә килешү имзаланды. Ул Алтай Республикасында «Кар барсы» фәнни үзәге объектлары базасында уртак фәнни программаларны гамәлгә ашыру мөмкинлеге өчен кар барсларын өйрәнү, саклау һәм популяциясен арттыру өлкәсендә мәгариф һәм фәнни-техник өлкәләрдә хезмәттәшлек турында булды.
Кар барсы популяциясен саклау «Экологик иминлек» илкүләм проектының төп максатларының берсе булып тора.Килешүгә Россия Фәннәр академиясенең А.Н.Северцов исемендәге Экология һәм эволюция проблемалары институты директоры президенты Сергей Найденко, Татарстан Фәннәр академиясе президенты Рифкать Миңнеханов, Казан федераль университетының Фундаменталь медицина һәм биология институты директоры Андрей Киясов, «Ирбис» үзәге Попечительләр советы рәисе Али Узденов, Татарстан экология һәм табигый ресурслар министры Александр Шадриков имза куйды.
Килешү имзаланганнан соң, В.Д.Шашин исемендәге «Татнефть» ГАҖ генераль директоры Наил Маганов (аның ярдәмендә үзәк объектлары комплексы торгызылган) Алтай Республикасында «Кар барсы» биологик төрлелекне саклау фәнни-тикшеренү үзәге объектларын стратегик партнерлар консорциумына тапшыруга сертификат бирде.
«Кар барсы Алтайдагы азык пирамидасының югары ноктасы булып тора. Аны саклап, без бөтен экосистеманы саклыйбыз. Киләчәктә бу үзәк Кар барсы өчен генә түгел, ә Алтайдагы башка сирәк төрләр өчен дә эшләячәк. Үзәкнең төп бурычы – фәнни нигезләнгән реинтродукция-кыргый хайваннар, шул исәптән ирбис популяцияләрен торгызу. Кыргызстаннан хайваннар китерелгән инде, Монголиядән дә көтелә», - дип сөйләде Экология һәм эволюция проблемалары институты директоры Сергей Найденко.
Үзәкнең заманча комплексы базасында стратегик партнерлар тирән фәнни тикшеренүләр үткәрә, уртак программаларны гамәлгә ашыра һәм ирбисны өйрәнү һәм саклау мәсьәләләрендә халыкара хезмәттәшлекне киңәйтә алачак.
Свежие комментарии