10-13 апрельдә Башкорт дәүләт курчак театрының зур һәм кече сәхнәләрендә «Әкият» Татар дәүләт курчак театры спектакльләре күрсәтеләчәк. Бу хакта «Башинформ» агентлыгы хәбәр итә.
Уфа тамашачылары игътибарына балалар һәм олыларга адресланган татар һәм рус телләрендәге «Әлдермештән Әлмәндәр», «Кәрлә-мәктәп баласы», «Адәмнәр», «Аленький цветочек» һәм «Золушка» спектакльләре тәкъдим ителәчәк.
«Әкият» Татар дәүләт академия курчак театры – Россиянең иң өлкән курчак театрларыннан берсе, ул 1934 елда ачылган. Бүгенге көндә театрның репертуары бик бай, анда балаларның да, олыларның да күңеленә хуш килерлек спектакльләр күп, аларны сәхнәләштерүдә Россия курчак театрының иң яхшы режиссерлары һәм рәссамнары эшли.
«Әкият» курчак театры безгә гастрольләр белән килсә, шушы ук көннәрдә (10-13 апрель) Башкорт дәүләт курчак театры Казан сәхнәсендә «Озеро заколдованного коня», башкорт телендә «Етем-төлкә», «Аленький цветочек» һәм «Приключения доктора Айболита и его друзей» спектакльләрен тәкъдим итәчәк», – дип белдерделәр Башкорт курчак театрының матбугат хезмәтендә.
Свежие комментарии