«Мәгариф» илкүләм проекты кысаларында «Профессионалитет» федераль проекты ярдәмендә һөнәри белгечлек алырга мөмкин. Бу хакта РФ вице-премьеры Дмитрий Чернышенко чыгарылыш укучыларына котлавында искәртте, дип хәбәр итә ил РФ Хөкүмәтенең матбугат хезмәте.
Чыгарылыш сыйныф укучылары белән очрашуда Чернышенко быел мәктәпләрне 2,3 миллион тугызынчы һәм унберенче сыйныф укучысы тәмамлады, дип билгеләп үтте.
«Быел чыгарылыш укучыларын илебезнең 1,2 меңнән артык югары уку йорты һәм 3,8 мең көллияте көтә. Күптән түгел Президент Владимир Путин фәнни-технологик үсешнең өстенлекле юнәлешләрен һәм иң мөһим фәнни технологияләр исемлеген раслады», – диде вице-премьер.
«Профессионалитет» федераль проектына килгәндә, студентлар эш белән тәэмин итүчеләр арасында төзелгән укыту программаларын үтә, Россиянең әйдәп баручы тармак компанияләренә эшкә урнашып тәҗрибә җыя.
Программа укучыларга машина төзү, авыл хуҗалыгы, металлургия, җиңел һәм ягулык-энергетика сәнәгате, химия, атом, фармацевтика, электротехника тармакларында, мәгълүмати технологияләрдә һәм башка өлкәләрдә үз осталыкларын камилләштерергә мөмкинлек бирә.
Свежие комментарии