Дәүләт Думасы киләсе атнада Россия территориясендә эшчәнлеге тыелган мәгълүмати ресурсларда реклама урнаштыруны рөхсәт итмәү турындагы закон проектын караячак. Парламентның түбән палатасы спикеры Вячеслав Володин Telegram-каналда шулай дип белдерде.
Сәясәтче билгеләп үткәнчә, Россия блоггерлары, товар һәм хезмәтләр тәкъдим итү өчен, VPN ярдәмендә Россиядә тыелган социаль челтәрләрне куллануын дәвам итә.
Володин фикеренчә, «таратыла торган рекламадан алынган керемнәр илебезгә һәм аның гражданнарына карата провокацион эшчәнлек алып баручы һәм начар гамәлләр кылучы ресурс хуҗаларын баета».
Закон кабул ителгән очракта, «Россия территориясендә эшчәнлеге кирәксез дип танылган чит ил яки халыкара оешмаларның; суд тарафыннан ябу яки тыю турында карар кабул ителгән иҗтимагый яки дини берләшмәләрнең яисә башка оешмаларның мәгълүмати ресурсларында реклама тарату тыела; шулай ук закон нигезендә аларга керү мөмкинлеге чикләнә», дип хәбәр итә Дәүләт Думасы Рәисе.
Нәтиҗәдә, закон проекты кабул ителгәннән соң россиялеләр Facebook һәм Instagram (Россиядә экстремистик оешма дип игълан ителгән Meta корпорациясенә карый, аның эшчәнлеге илдә тыелган), шулай ук X (элеккеге Twitter) кебек социаль челтәрләрдә реклама урнаштыра алмаячак.
Свежие комментарии