Татарстан Дәүләт Советы Рәсим Баксиковның депутат вәкаләтләрен вакытыннан алда туктатты. Ул парламентка шундый гариза тапшырган. Бу карар VII чакырылыш Дәүләт Советының 13 утырышында кабул ителде.
«Дәүләт Советы депутаты, махсус операция катнашучысы, Россия Герое, Татарстан Хөкүмәтенең кадрлар резервында катнашучы Рәсим Рәшит улы Баксиков республика дәүләт хакимиятенең башкарма органнарына эшкә күчә», – диде Дәүләт Советы Рәисе Фәрит Мөхәммәтшин.
Ул Баксиковка «бөтен җирдә ихтыяҗ бар» дип өстәде. «Ул бик ярдәмчел, җаваплы, тәртипле кеше. Ул куелган теләсә нинди бурычны уңышлы үтәр дип ышанам», – диде парламент спикеры.
Баштарак Рәсим Баксиковның Татарстанның хезмәт, халыкны эш белән тәэмин итү һәм социаль яклау министры урынбасары итеп билгеләнүе мәгълүм булды.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии