Узган ялларда Пенза өлкәсенең Кузнецкий районы Татар Кынадысы авылында «Сөмбелә» бәйрәме уздырганнар. Бу хакта Бөтендөнья татар конгрессы хәбәр итә.
Бәйрәм, төп героиня – Сөмбеләнең пар атка җигелгән каретага утырып килүеннән башланган. Ул җыелган кунакларны дәртле бию белән сәламләгән һәм чәкчәк белән сыйлаган.
«Сөмбелә» бәйрәмендә көзге букетлар һәм «Көз нигъмәтләре» кул эшләнмәләре бәйге-күргәзмәсе оештырылган. Бәйрәм кунаклары традицион татар ризыкларын: катлама, кабартма (йозянге), бәлеш, токмач, гөбәдия, кыстыбый һәм урман үләннәреннән ясалган чәйне бик теләп авыз иткән. Балалар өчен аттракционнар һәм ярминкәләр оештырылган.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии