Гутерриш Казанда Газадагы сугыш һәм Украина буенча позиция турында фикер алышачак

Берләшкән милләтләр оешмасы Генераль секретаре Антониу Гутерриш Казанда БРИКС саммитында катнашачак. Бу хакта генераль секретарь офисына сылтама белән РИА Новости хәбәр итә.

«Мин генераль секретарьның БРИКС саммитында кабат катнашачагын раслый алам, бу юлы ул Казанда уза», — дип белдерде генераль секретарьның рәсми вәкиле урынбасары Фәрхан Хак.

Саммит кысаларында Гутерриш Россия Президенты Владимир Путин белән сөйләшүләр уздырыр дип көтелә. Россия лидеры белән очрашу кысаларында ул Украина буенча «үзенең яхшы билгеле позициясен расларга» планлаштыра.

Ул, искәртик, конфликтны Берләшкән Милләтләр оешмасы уставы нигезендә хәл итүдән гыйбарәт.

Моннан тыш, Берләшкән милләтләр оешмасы генераль секретаре графигында саммитта катнашучы илләрнең лидерлары белән берничә ике яклы очрашу каралган. Алар кысаларында ул Газа секторында сугыш темасын күтәрәчәк.

БРИКС саммиты Казанда 22-24 октябрьдә уза.