Мишустин: 2030 елга агросәнәгать комплексы продукциясе 25 процентка артырга тиеш

<p>2030 елга план буенча агросәнәгать комплексы продукциясен җитештерү 25 процентка, экспорт 50 процентка, ә агропредприятиеләрнең төп капиталына инвестицияләр 60 процентка артырга тиеш. Россия Хөкүмәте җитәкчесе <strong>Михаил Мишустин</strong> шундый максат турында белдерде. Бу хакта РИА Новости яза.

</p> <p>«2030 елга агросәнәгать комплексы продукциясен җитештерүнең гомуми күләмен 25 процентка, чит илгә чыгаруны 50 процентка арттырырга кирәк була. Ә безнең агропредприятиеләрнең төп капиталына инвестицияләр 60 процентка үсәргә тиеш», - дип белдерә сәясәтче.</p> <p>Искәртик, Мишустин 18 июньдә «Дәвамлы һәм актив тормыш» һәм «Азык-төлек иминлеген технологик тәэмин итү» илкүләм проектлары буенча стратсессиядә чыгыш ясады.</p>