Россия Үзәк банкы Директорлар советы 20 декабрьдәге утырышы нәтиҗәләре буенча ставканы элекке – 21 процент дәрәҗәсендә калдырырга булды. Регуляторның телеграм-каналында шул хакта мәгълүмат чыкты.
«Төп ставка буенча октябрь карарында фаразланганча, акча-кредит шартлары шактый катгыйландырылды. Моңа акча-кредит сәясәтеннән бәйсез факторлар булышлык итте», - диелә регулятор хәбәрендә.
РФ Үзәк банкы фикеренчә, бәяләрнең агымдагы үсеше һәм эчке ихтыяҗның югары булуына да карамастан, дезинфляция процессын яңарту һәм инфляцияне максатка кайтару өчен алшартлар бар.
Искәртеп узабыз, 25 октябрьдә Үзәк банкның Директорлар советы төп ставканы 200 базис пунктына – еллык 21 процентка кадәр күтәргән иде.
2023 елның декабреннән ставка 16 процент дәрәҗәсендә торды, әмма агымдагы елның 26 июлендә Үзәк банк аны еллык 18, ә 13 сентябрьдә 19 процентка кадәр арттырды.
Свежие комментарии