Чаллыга «Яшәү өчен инфраструктура» илкүләм проекты һәм РФ Сәнәгать һәм сәүдә министрлыгының дәүләт программасы буенча 80 яңа «НЕФАЗ» автобусы тапшырылды, дип хәбәр итә ТР Транспорт һәм юл хуҗалыгы министрлыгының матбугат хезмәте.
«Татарстан Рәисе Рөстәм Миңнеханов 4 сентябрьдә тантаналы шартларда шәһәргә 50 яңа пассажир автобусы тапшырды.
Калган 30 автобусны сентябрь-октябрь айларында китерделәр», - дип искәрттеләр министрлыкта.Тәбәнәк идәнле «НЕФАЗ» автобуслары 111пассажирны сыйдыра. Югары технологияле машиналар ЭРА-ГЛОНАСС ашыгыч хезмәтләрне чакыру системасы, автомат янгын сүндерү системасы, вандалларның теше үтми торган пассажир утыргычлары, салон җылыткычлар белән җиһазландырылган.
Узган ел «Алга таба лизингка тапшыру өчен җир өсте җәмәгать пассажир транспортының хәрәкәтчән составын сатып алу» инвестиция проекты буенча Чаллыга Дәүләт транспорт лизинг компаниясе аша 998,4 миллион сумлык 44 автобус һәм махсус казначылык кредитлары кысаларында 46 автобус тапшырылды.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии