Агымдагы елның февралендә вакытлыча эшкә яраксызлык буенча минималь пособие көненә 801,43 сумны тәшкил итәчәк. Әлеге сумма елның иң югары күрсәткече булачак. Бу хакта РФ Хөкүмәте каршындагы Финанс университетының иҗтимагый финанслар кафедрасы доценты Игорь Балынинга сылтама белән Газета.Ru хәбәр итә.
Эксперт әйтүенчә, пособие күләме минималь хезмәт хакы күләменнән һәм айдагы көннәр саныннан чыгып исәпләнә. Февральдә пособие 2025 елның гыйнварында булган түләүгә караганда 77,56 сумга һәм 2024 елның февралендә булган пособиегә караганда 137,91 сумга (21 процентка) күбрәк була.
Балынин билгеләп үткәнчә, 2025 елның февраленең ике атнасы өчен пособие 2025 елның гыйнвары белән чагыштырганда 1085,84 сумга һәм 2024 елның феврале белән чагыштырганда 1930,74 сумга югарырак була.
Вакытлыча эшкә яраксызлык буенча пособие авыру, имгәнү, авыру кешене карау, йөклелек һәм бала табу очракларында, шулай ук карантин вакытында түләнә. Түләү күләме эш стажына карап исәпләнә һәм уртача хезмәт хакының 60 процентыннан 100 процентына кадәр тәшкил итә. Пособиене эш бирүче һәм дәүләт фондлары түли.
Свежие комментарии