Мөслимнең туган якны өйрәнү музеенда ТР Рәссамнар берлеге әгъзасы, биредә туып-үскән Рәйхан Хантимеровның эшләр күргәзмәсе ачылды. Бу хакта «Мөслим-информ» сайтында хәбәр ителә.
Рәссам иҗади тормышындагы беренче адымнары турында сөйләде, эшләре белән таныштырды. Мөслим районы башлыгы Альберт Хуҗин күргәзмә авторының иҗаты белән соклануын белдерде һәм Рәйхан Хантимеровка Рәхмәт хаты тапшырды.
ТР Рәссамнар берлеге әгъзалары, Хантимеровның иҗатташ дуслары чараның сәбәпчесенә җылы теләкләрен җиткерделәр, истәлекле бүләкләр тапшырдылар. Рәссамга ихлас теләкләрен һәм горурлану сүзләрен иҗтимагый совет рәисе Рушат Солтанов, халык язучысы, драматург Фоат Садриев та белдерде.
Чара район мәдәният йорты үзешчәннәренең музыкаль чыгышлары белән үрелеп барды.
Фото: © Гөлназ Җәлилова
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии