Ясалма фәһем технологияләрен булдыруда зур уңышларга ирешкән Россия төбәкләре арасында Мәскәү шәһәре һәм өлкәсе, Санкт-Петербург, Татарстан Республикасы һәм Новосибирск өлкәсе әйдәп бара. РФ Президенты каршындагы Россия халык хуҗалыгы һәм дәүләт хезмәте академиясендә шулай дип белдерделәр. Бу хакта РИА Новости агентлыгы хәбәр итә.
«Ясалма фәһем технологияләрен булдыру потенциалы буенча лидер төбәкләр бишлегенә иң зур Мәскәү агломерациясе, шулай ук берничә төбәк (Мәскәү өлкәсе, Санкт-Петербург, Татарстан һәм Новосибирск өлкәсе) керде», - дип билгеләп үттеләр Президент академиясендә.
Ясалма фәһем өлкәсендәге барлык тикшеренү төркемнәренең якынча 66 проценты, белем бирү программаларының 54 проценты һәм программа әзерләүче оешмаларның 75 проценты Федерациянең шушы биш субъектында тупланган (аерым алганда ил башкаласында – 55 проценттан артык). Программа тәэминатын эшләүче компанияләрнең 63 процентка якыны, аларның 74 процент хезмәткәре һәм табышның 83 проценты да әлеге төбәкләргә туры килә.
Свежие комментарии