30 март, Ураза гаете көнне, Чаллының «Тәүбә» мәчете янындагы мәйданда бәйрәм оештырылачак. Бәйрәм 10:00дән 12:00гә кадәр дәвам итәчәк. Бу хакта «Шәһри Чаллы» газетасы яза.
Программада балчыктан әвәләү, бизәкләү, агачтан эшләү, сабын ясау кебек кызыклы шөгыльләр, узышу, армрестлинг, кроссфит кебек спорт ярышлары булачак.
Бу көнне батутлар, аттракционнар, квестлар, интерактив уеннар да каралган. Бәйгедә катнашучыларны сувенирлар, бүләкләр көтә, диелә хәбәрдә.
Свежие комментарии