Юл хәрәкәте кагыйдәләренә агымдагы ел башыннан гамәлгә кертелгән төп үзгәрешләр штрафлар түләү суммасы һәм вакытына кагыла. Бу хакта Россия Юристлар ассоциациясе әгъзасы Никита Тарновский сөйләде, дип хәбәр итә Lenta.ru.
«Штрафлар 50 процентка артты. Иң мөһиме, хәзер аларны тиз арада түләгән өчен 50 процент ташлама юк.
Хәзер ташлама 25 процентны тәшкил итә. Аның каравы, түләү өчен өстәмә вакыт бирелә – 20 көн урынына 30 көн», - дип аңлатты белгеч.Юрист сүзләренчә, шулай ук транспорт чарасын ОСАГО полисыннан башка теркәү мөмкинлеге дә мөһим яңалык булып тора. Мондый мөмкинлек 1 марттан барлыкка киләчәк. Бу хакта гади гражданнар да, автомобиль сөючеләр берлекләре дә күптән сорый иде, дип өстәде ул.
Моннан тыш, Тарновский искәрткәнчә, хәзер автомобильне сатканнан соң ук исәптән төшерергә була, көтәргә кирәкми. Моның өчен Дәүләт хезмәтләре порталы аша документ җибәрергә генә кирәк. Моннан тыш, машина йөртү таныклыгын «Дәүләт хезмәтләре Авто» сервисы ярдәмендә электрон рәвештә күрсәтергә мөмкин.
Эксперт шулай ук челтәрләр, салдырыла торган пәрдәләр һәм башка шундый «псевдотонировка» төрләренә тыю актуальләштерелү турында әйтте. Моннан тыш, Тарновский иминлек каешларының эшкә яраклылыгын контрольдә тоту (ярыклар булырга тиеш түгел, каеш «тулысынча тартып чыгарылырга һәм эләктереп куелырга тиеш») таләбен телгә алды.
Свежие комментарии