Рөстәм Миңнеханов Ураза гаете белән котлап видео урнаштырды

Татарстан Республикасы Рәисе Рөстәм Миңнеханов республика мөселманнарын Ураза гаете белән котлады.

"Чын күңелдән Ураза бәйрәме белән котлыйм!"- дип язды Татарстан лидеры үзенең телеграм-каналында.

Элегрәк ТР Рәисе Ураза бәйрәме вакытында иминлекне тәэмин итәргә кушкан иде. Татарстанның шәһәр мәчетләрендә Ураза гаетен 6:30 да Коръән аятьләрен укып бәйрәм итә башладылар.

Вәгазьләр уку 7:00 сәгатьтә башланды. Дин тотучылар бәйрәм намазын 7:30 да укыячаклар.