Россия Президенты Владимир Путин автомобиль һәм шәһәр пассажир транспорты хезмәткәрләрен һәм ветераннарын һөнәри бәйрәмнәре белән котлады. Телеграмма Кремль сайтында урнаштырылган.
«Автотранспорт комплексы хаклы рәвештә икътисадның төп, стратегик тармакларының берсе, ил инфраструктурасының аерылгысыз өлеше булып санала.
Машина йөртүчеләр һәм ремонтчылар, конструкторлар һәм инженерлар, профильле предприятиеләр һәм учреждениеләр хезмәткәрләренең тырыш хезмәтенә илебездә сәнәгать һәм авыл хуҗалыгы җитештерүенең үсеше, төбәкара һәм халыкара элемтәләрнең ныгуы, шәһәрләрнең һәм бистәләрнең гармонияле үсеше, миллионлаган кешенең социаль иминлеге бәйле», - дип ассызыклады дәүләт башлыгы.Ул билгеләп үткәнчә, соңгы елларда илкүләм проектлар һәм дәүләт программалары кысаларында автомобиль юллары инфраструктурасы яңартыла, маршрутларга заманча җәмәгать транспорты чыгарыла, автотранспорт хезмәтләре базары киңәйтелә һәм белгечләрнең квалификациясенә карата таләпләр арта.
«Һәм, әлбәттә, Бөек Җиңүнең 80 еллыгы билгеләп үтелгән елда иң җылы сүзләрне кадерле ветераннарыбызга җиткерәм. Без юл төзүчеләрнең һәм фронтовик машина йөртүчеләрнең батырлыгы, ныклыгы һәм кыюлыгы белән горурланабыз», - диде Президент.
Сүзен йомгаклап, Путин тармак хезмәткәрләренең тәҗрибәсе һәм белемнәре, шулай ук дәүләт ярдәме барлык билгеләнгән максатларны уңышлы тормышка ашырырга ярдәм итәчәгенә ышаныч белдерде:
«Тәҗрибә, белем һәм дәүләт ярдәме алга таба да билгеләнгән максатларга ирешергә ярдәм итәчәк, дип ышанам», – диде Россия лидеры.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии