«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев студентларның гаммәви мәгълүмат чараларын берләштерүнең һәм аларга эшләү өчен кирәкле алымнар тәкъдим итүнең мөһимлеген искәртте. Аның сүзләренчә, бу вакыйга студентларга тәҗрибә уртаклашырга һәм үзләренең һөнәри күнекмәләрен үстерергә мөмкинлек бирәчәк зур юлның башы.
Студентлар гаммәви мәгълүмат чаралары өчен медиаинтенсив ачылышында ул шулай дип белдерде, әлеге чарада студентлар медиасының 80 вәкиле катнаша.«Биредә журналистикада кадрларны тулыландыру турында сүз бармый, без актив тормыш позициясе, уртаклашыр нәрсәләре булган яшьләр хакында сөйлибез. Бүген монда утырган егетләр-кызлар үзләренә төрле яшәү рәвеше һәм һөнәр сайлый ала, ләкин иң мөһиме, алар монда тормышта кирәкле төп аралашу күнекмәләрен алачак!» - диде Сәлимгәрев.
Ул шулай ук медиаинтенсивның студентлар арасында үзара аралашу һәм хезмәттәшлек өчен платформа булдыруга юнәлдерелүен билгеләп үтте. Бу, оештыручылар фикеренчә, аларның тормышын тагын да кызыклырак һәм баерак итәчәк.
«Студент медиаларын берләштерү һәм аларга эш алымнарын күрсәтү - безнең алда торган зур һәм мөһим бурыч. Минемчә, бу әле олы юлның башы гына! Әлбәттә, без алга таба да аралашачакбыз һәм студентларның үзара аралашуы матур, кызыклы булсын өчен бергәләп эшләячәкбез. Бер лектор әйткәнчә, «бу аларны бәхетлерәк итә», - диде Сәлимгәрәев «Татар-информ» агентлыгына.
Чара «Татмедиа» Республика матбугат һәм массакүләм коммуникацияләр агентлыгы һәм «Идел-Идель» журналы тарафыннан Казаноргсинтез, Казан федераль университеты һәм Студентлар лигасы ярдәмендә үткәрелә.
Бүген чарада катнашучылар «Яратам» яшьләр клубында «Студентларны борчыган проблемаларны яктырту алымы буларак студмедиа» дигән темага фикер алышачак, анда яшьләр һәм студентлар оешмалары вәкилләре, шулай ук редакторлар һәм гаммәви мәгълүмат чаралары хезмәткәрләре катнаша. Моннан тыш, вакансияләр ярминкәсе, мастер-класслар һәм воркшоплар оештырылачак. Көннең икенче өлешен медиада очрый торган төрле кейсларны карауга багышлаячаклар. Бу эш «Казаноргсинтез» территориясендә барачак, моннан тыш, чарада катнашучыларга анда экскурсия һәм «Эшче һөнәрләрен популярлаштыру» дигән медиа уен да оештырыла.
Свежие комментарии