Татарстан Җир һәм мөлкәт мөнәсәбәтләре министрлыгы идарәсенең бүлек башлыгы Илшат Әминовны ышаныч югалту сәбәпле вазифасыннан азат иттеләр. Карар Татарстан Республикасы прокуроры Альберт Суяргуловның тәкъдимен карау нәтиҗәләре нигезендә кабул ителде.
Тикшерү ачыклаганча, дәүләт хезмәткәре гамәлгә куючысы һәм җитәкчесе үзенең әнисе булган коммерцияле оешма аша эшмәкәрлек эшчәнлеге белән шөгыльләнгән.
Шул ук вакытта Әминов яллаучының вәкиленнән мәнфәгатьләр низагы булу турындагы мәгълүматны махсус рәвештә яшергән, бу оешма белән дәүләт милкен арендалау турында килешүне объектив рәвештә төзү һәм аның нигезендә эш итү мөмкинлеген булдырмаган.
«Татар-информ» язганча, Татарстан Югары суды ТР Җир һәм мөлкәт мөнәсәбәтләре министрлыгы идарәсенең бүлек башлыгы Илшат Әминовны сак астында калдырды. Ул 16 февральгә кадәр тикшерү изоляторында булачак. Бу хакта «Татар-информ» га судның матбугат хезмәтендә хәбәр иттеләр.
Тикшерү версиясе нигезендә, түрә 2021 елдан 2024 елга кадәр дәүләт милкен арендалау турында килешүләр төзү хокукына аукционнар үткәргәндә биш җирле фирмага ярдәм күрсәткән, шулай ук аларның эшмәкәрлек эшчәнлегендә законсыз нигездә катнашкан.
Свежие комментарии